బహ్రెయిన్: ఆ యాక్సిడెంట్ కు సంబంధించిన వీడియో వైరల్ అవుతోందని, కానీ అది నిజమైనది కాదని బహ్రెయిన్ ట్రాఫిక్ డిపార్టుమెంట్ వెల్లడించింది. ఆ వీడియోలో చూపినది నిజమైన యాక్సిడెంట్ కాదని స్పష్టం చేసింది. అయితే ఫుటేజ్ నిజమైనదేనని, కానీ దాన్ని ఎవరో ఎడిట్ చేసి వైరల్ చేసినట్లు తెలిపింది. యాక్సిడెంట్ లో గాయపడిన వికలాంగ వ్యక్తిని తన కారుతో ఢీకొట్టిన డ్రైవర్ బాధితుడిని పట్టించుకోకుండా వెళ్లినట్లు, రోడ్డుపై కూర్చున్న అభాగ్యులు సహాయం కోసం వేడుకుంటున్నట్లు వైరల్ వీడియోలో చూపించారు. కానీ తమ విచారణలో అదంతా ఫేక్ అని తేలిందన్నారు. ఆసుపత్రిలో గాయపడిన వ్యక్తిని గుర్తించామని, సదరు వ్యక్తి ప్రమాదవశాత్తూ కిందపడటం వల్ల గాయపడ్డాడని అతనే స్వయంగా తెలిపినట్లు ట్రాఫిక్ డిపార్టుమెంట్ అధికారులు పేర్కొన్నారు.