బెంగుళూరు: ప్రముఖ సినీ నటి అనుష్క శెట్టి సోదరుడి హత్యకు కుట్ర పన్నినట్లు సమాచారం. అనుష్కకు ఇద్దరు సోదరులు ఉన్నారు.వీరు గుణరంజన్ శెట్టి, రమేష్ శెట్టి.

అయితే గుణరంజన్ శెట్టి హత్యకు స్కెచ్ వేసినట్లు వస్తున్న వార్తలు కలకలం రేపుతున్నాయి. కర్ణాటకలోని గ్యాంగ్ స్టర్ల మధ్య నెలకొన్న విభేదాలే దీనికి కారణమని పోలీసులు భావిస్తున్నారు. మంగళూరుకు చెందిన మాఫియా డాన్ ముత్తప్పరై బతికున్నప్పుడు మన్విత్ రై, గుణరంజన్ శెట్టి లు కుడి, ఎడమ భుజంగా ఉండేవారు. 

ముత్తప్ప చనిపోయిన తర్వాత వీరిద్దరూ విడిపోయారు. గుణ రంజాన్ శెట్టి హత్యకు మన్విత్ స్కెచ్ వేసినట్లు వార్తలు వస్తున్నాయి. గుణరంజన్ మంగళూరు, బెంగుళూరు ప్రాంతాల్లో చురుగ్గా పని చేస్తున్నారు. ఈ క్రమంలోనే ఆయనను హత్య చేసేందుకు కుట్ర పన్నినట్లు సమాచారం. ఇద్దరి మధ్య నెలకొన్న విభేదాలే దీనికి కారణమని అంటున్నారు. మరోవైపు రాష్ట్ర హోం మంత్రి అరగ జ్ఞానేంద్రను కలిసి గుణరంజన్ తనకు భద్రత కల్పించాలని కోరారు.