కావలసిన పదార్థాలు: దోర గా పండిన జామకాయ - 1, పాలు, పంచదార - 1 కప్పు చొప్పున, యాలకుల పొడి - పావు టీ స్పూను, నేతిలో వేగించిన బాదం, పిస్తా ముక్కలు - కొన్ని.

తయారుచేసే విధానం: జామకాయను పెద్ద పెద్ద ముక్కలుగా తరిగి కుక్కర్లో మెత్తగా ఉడికించి చల్లారిన తర్వాత గింజలు, తొక్కలు తీసెయ్యాలి. మిగిలిన గుజ్జులో పాలు, పంచదార కలిపి మరిగించాలి. చిక్కబడ్డాక యాలకుల పొడి, బాదం, పిస్తా చల్లి దించేయాలి.