అదేంటీ.! బర్త్ డే పార్టీకి డేట్ ఫిక్స్ చేయడమేంటీ.? బర్త్ డే డేట్ ఆల్రెడీ ఫిక్స్ అవుతుంది కదా.. అనుకుంటారా.? అయితే మీకీ ముచ్చట తెలియాల్సిందే. ‘అందాల రాక్షసి’ లావణ్య త్రిపాఠి వుంది. ఆమె తాజాగా ‘బర్త్‌డే పార్టీ’ అనే సినిమాలో నటిస్తోంది.

ఈ సినిమా రిలీజ్ డేట్ ఫిక్స్ చేశామంటూ తాజాగా చిత్ర యూనిట్ అనౌన్స్ చేసింది. జూలై 8న ‘బర్త్ డే పార్టీ’ ప్రేక్షకుల ముందుకు రానుంది. అదీ అసలు సంగతి. సరే, ఇక సినిమా విషయానికి వస్తే, ఈ సినిమాలో లావణ్య త్రిపాఠి లీడ్ రోల్ పోషిస్తోంది. హీరోయిన్ సెంట్రిక్ మూవీ అనేయొచ్చు.

లావణ్య‌తో పాటు, కమెడియన్ సత్య, వెన్నెల కిశోర్, గెటప్ శీను తదితరులు ఇతర లీడ్ రోల్స్‌ పోషిస్తున్నారు. బర్త్ ‌డే పార్టీ మోడ్‌లో ఈ సినిమా కథ మొత్తం వుండబోతోంది. అలాగే, మన ఇండియాలో బ్యాన్ అయిన గన్ కల్చర్ కథాంశంగా ఈ సినిమా రూపొందింది. అయితే అదంతా ఫన్ మోడ్ అనుకోండి.

రీసెంట్‌గా రిలీజైన ఈ సినిమా ట్రైలర్‌కి మంచి రెస్పాన్స్ వచ్చింది. ఫుల్ ఆఫ్ ఫన్ మోడ్‌లోనే సినిమా ట్రైలర్ కట్ చేశారు. అందర్నీ బాగా ఆకట్టుకుంది ఆ ట్రైలర్. అన్నట్లు ఇది కూడా ప్యాన్ ఇండిమా మూవీనేనండోయ్. రితీష్ రానా ఈ సినిమాకి దర్శకత్వం వహిస్తుండగా, ప్రముఖ బ్యానర్ మైత్రీ మూవీస్ వాళ్లు ప్రతిష్టాత్మకంగా ఈ సినిమాని రూపొందించారు. సో, లావణ్య బర్థ్ డే పార్టీ’ అంత ఆషా మాషీ కాదండోయ్. ఖచ్చితంగా అందరూ ఆహ్వానితులే. కేవలం ధియేటర్లలో మాత్రమే సుమా.!