ఈ నెల 25 నుంచి విజయవాడకు స్పైస్‌జెట్‌ మరో రెండు సర్వీసులను నడిపేందుకు రంగం సిద్ధం చేస్తోంది. తిరుపతి నుంచి విజయవాడ మీదుగా విశాఖపట్నంకు ఒక సర్వీసు, విశాఖపట్నం నుంచి విజయవాడ, తిరుపతికి మరో సర్వీసు నడిపేందుకు ఏర్పాట్లు చేశారు. క్యూ 400 మోడల్‌ పేరు గల విమానం ప్రతి రోజు ఉదయం 11.10కు తిరుపతిలో బయలుదేరి 12.15 గంటలకు విజయవాడ చేరుకుంటుంది. ఇక్కడి నుంచి 12.40కు బయలుదేరి 1.40కు విశాఖపట్నం చేరుకుంటుంది. అక్కడ నుంచి మరో సర్వీసుగా 2.20కు బయలుదేరి 3.20 గంటలకు విజయవాడ చేరుకుంటుంది. విజయవాడలో 3.40కు బయలుదేరి సాయంత్రం 4.45 గంటలకు తిరుపతి చేరుకుంటుంది.