హైదరాబాద్: తెలంగాణలో కరోనావైరస్ మమహ్మరి డేంజర్ బెల్స్ మోగిస్తోంది. వైరస్ చాప కింద నీరులా వ్యాపిస్తోంది. కొత్త కేసులు రికార్డు స్థాయిలో పెరుగుతున్నాయి. తెలంగాణలో వరుసగా 5వ రోజు 400కిపైగా కొవిడ్ కేసులు నమోదవడం ఆందోళనకు గురి చేస్తోంది. మంగళవారం రాష్ట్రంలో 403 కేసులు, బుధవారం 434 కేసులు, గురువారం 494 కేసులు, శుక్రవారం 493 కేసులు నమోదు కాగా.. తాజాగా ఆ సంఖ్య 496గా ఉంది. కొత్త కేసులు 500లకు చేరువ కావడం టెన్షన్ పెట్టిస్తోంది.

రాష్ట్రంలో కొత్తగా 496 కరోనా కేసులు నమోదయ్యాయి. ఊరటనిచ్చే అంశం ఏంటంటే.. కొత్తగా కొవిడ్ మరణాలేవీ నమోదు కాలేదు. గడిచిన 24 గంటల్లో మరో 205 మంది కరోనా నుంచి కోలుకున్నారు. రోజువారీ పాజిటివ్ కేసుల సంఖ్య పెరుగుతుండటంతో.. యాక్టివ్ కేసుల సంఖ్యా పెరుగుతోంది. రాష్ట్రంలో కరోనా యాక్టివ్ కేసుల సంఖ్య 3వేల 613కి చేరింది.