ఒమన్ : జూలై 14 నుండి ‘బ్యూటిల్‌ఫెనైల్ మిథైల్‌ప్రొపియోనల్ ( Butylphenyl Methylpropional)’ పదార్థాన్ని కలిగి ఉన్న సౌందర్య సాధనాలు, వ్యక్తిగత సంరక్షణ ఉత్పత్తుల దిగుమతిని నిషేధించినట్లు వాణిజ్యం, పరిశ్రమలు, పెట్టుబడి ప్రమోషన్ మంత్రిత్వ శాఖ (MoCIIP) వెల్లడించింది. స్ధానిక మార్కెట్లో సురక్షితమైన ఉత్పత్తులను అందించడానికి మంత్రిత్వ శాఖ కట్టుబడి ఉందన్నారు. 'బ్యూటిల్‌ఫెనైల్ మిథైల్‌ప్రొపియోనల్' అనే పదార్ధంపై ఇదివరకే యూరోపియన్ యూనియన్ లో నిషేధం విధించారని పేర్కొన్నారు. సంరక్షణ ఉత్పత్తులు EC NO. 1223/2009), సౌందర్య సాధనాలు – సౌందర్య సాధనాలు వ్యక్తిగత సంరక్షణ ఉత్పత్తులలో భద్రతా అవసరాలు GSO 1943: 2021, మినిస్టీరియల్ రిజల్యూషన్ నం.199/2021 లను అనుసరించి ఈ నిర్ణయం తీసుకున్నట్లు మంత్రిత్వ శాఖ వెల్లడించింది.