న్యూ ఢిల్లీ: ఇండిగో విమానానికి పెద్ద ముప్పు తప్పింది.ఢిల్లీ ఎయిర్‌పోర్ట్‌లోని టెర్మినల్‌-టు స్టాండ్‌ నెంబర్‌ 201 వద్ద ఈ సంఘటన జరిగింది.టేకాఫ్‌ అయ్యేందుకు సిద్ధమవుతోన్న ఇండిగో విమానం కిందకు గోఫస్ట్‌కు చెందిన కారు ఒకటి వేగంగా దూసుకొచ్చింది.

కారు డ్రైవర్‌ అప్రమత్తం కావడంతో విమానం చక్రం ముందు ఆగిపోయింది.కొద్దిలో పెను ప్రమాదం తప్పింది.ఘటనపై డీజీసీఏ దర్యాప్తునకు ఆదేశించింది.ఈ ప్రమాదంపై ఇండిగో గానీ, గో ఫస్ట్‌ సంస్థ గానీ స్పందించలేదు.మరోవైపు, ఇండిగో విమానం షెడ్యూల్‌ ప్రకారమే పట్నా బయల్దేరింది.