అబుధాబి: కువైట్ నగరానికి కొత్తగా సర్వీస్ నెట్ వర్క్ ని విస్తరించినట్లు ఎయిర్ అరేబియా అబుదాబి ప్రకటించింది. 2022 అక్టోబర్ 31 నుండి కొత్త సర్వీసులు ప్రారంభమవుతాయని తెలిపింది.  అబుధాబి అంతర్జాతీయ విమానాశ్రయం నుండి కువైట్ అంతర్జాతీయ విమానాశ్రయానికి ప్రతిరోజూ రెండు విమానాలను నడుపనున్నట్లు ఎయిర్ అరేబియా గ్రూప్ చీఫ్ ఎగ్జిక్యూటివ్ ఆఫీసర్ అడెల్ అల్ అలీ తెలిపారు. కొత్త సర్వీసు రెండు నగరాల మధ్య టూరిజాన్ని మరింత ముందుకు తీసుకుపోయేందుకు దోహదం చేస్తుందని అభిప్రాయపడ్డారు. 2020లో ప్రారంభమైన ఎయిర్ అరేబియా  అబుధాబి ఇప్పటి వరకు కువైట్, బీరుట్, ఈజిప్ట్, బహ్రెయిన్, అజర్‌బైజాన్, ఇండియా, బంగ్లాదేశ్, టర్కీ, నేపాల్, సూడాన్, పాకిస్తాన్, ఒమన్, బోస్నియా, హెర్జెగోవినాతో సహా 26 మార్గాల్లో తన నెట్‌వర్క్‌ను విస్తరించింది.