యూఏఈ: ముహమ్మద్ ప్రవక్త (స) జన్మదినం సందర్భంగా 2022 అక్టోబరు 8న( శనివారం) ప్రైవేట్ రంగానికి వేతనంతో కూడిన సెలవు ఉంటుందని యూఏఈ మానవ వనరులు, ఎమిరేటైజేషన్ మంత్రిత్వ శాఖ (MoHRE) ప్రకటించింది. గల్ఫ్ దేశాలతో సహా చాలా ఇస్లామిక్ దేశాల్లో ఇస్లామిక్ క్యాలెండర్‌లో మూడవ నెల అయిన 12 రబీ అల్-అవ్వల్ 1444న ప్రవక్త పుట్టినరోజును జరుపుకుంటారు. అలాగే UAE జాతీయ దినోత్సవాన్ని పురస్కరించుకుని డిసెంబర్ 1, 2, 3 తేదీలలో ఇదివరకే అధికారికంగా సెలవులు ప్రకటించగా.. డిసెంబర్ 4 ఆదివారం కావడంతో నాలుగు రోజులపాటు వీకెండ్ సెలవులు రానున్న విషయం తెలిసిందే.