తెరపై కనిపించే తన పాత్రకు తన గొంతు మాత్రమే వినిపిస్తేనే బాగుంటుందని చెబుతోంది రష్మిక మండన్నా. నేషనల్ క్రష్‌గా రష్మికకు విపరీతమైన ఫాలోయింగ్ వుంది. ఆ ఫాలోయింగ్‌తోనే తెలుగుతో పాటూ, తమిళ, హిందీ భాషల్లోనూ రష్మిక క్రేజీ ఆఫర్లు దక్కించుకుంటోంది.
తెలుగులో ‘పుష్ప 2’ సినిమాలో రష్మిక నటిస్తోన్న సంగతి తెలిసిందే. తమిళంలో ఇళయ దళపతి విజయ్ సరసన ‘వారసుడు’ సినిమాలో నటిస్తోంది రష్మిక. బైలింగ్వల్ మూవీగా తెలుగు, తమిళ భాషల్లో రూపొందుతోంది ఈ సినిమా. 
హిందీలోనూ రష్మిక చేతిలో మూడు పూర్తయిపోయిన ప్రాజెక్టులుండగా, మరో రెండు చర్చల దశలో వున్నాయ్. బిగ్‌బి అమితాబ్ కీలక పాత్ర పోషించిన రష్మిక మూవీ ‘గుడ్ బై’ త్వరలో రిలీజ్‌కి రెడీగా వుంది. 
కాగా, ప్రస్తుతం రష్మిక ఖాళీ దొరికినప్పుడల్లా, హిందీ నేర్చుకుంటోందట. అందుకోసం ప్రత్యేకంగా ట్యూషన్ పెట్టించుకుందట. అలాగే తమిళంలోనూ పట్టు సాధిస్తానంటోంది. ఇకపై తన సినిమాలకు తానే డబ్బింగ్ చెప్పుకుంటానంటోంది. ఆల్రెడీ తెలుగులో తన పాత్రకు రష్మిక సొంతంగానే చెప్పుకుంటుంది. ఇకపై తమిళ, హిందీ భాషల్లోనూ రష్మిక సొంత డబ్బింగ్‌కే ప్రిఫరెన్స్ ఇచ్చేందుకు ప్రయత్నిస్తానని చెబుతోంది.