బహ్రెయిన్: ఆసియా వెయిట్ లిఫ్టింగ్ ఛాంపియన్‌షిప్ 2022కి ఆతిథ్యం ఇవ్వనున్నట్లు బహ్రెయిన్ వెల్లడించింది. అక్టోబర్ 6న క్రౌన్ ప్లాజా కాన్ఫరెన్స్ హాల్‌లో ప్రారంభమయ్యే ఆసియా వెయిట్‌లిఫ్టింగ్ ఛాంపియన్‌షిప్ 2022 (AWC)కి వేదికలు ఇప్పటికే సిద్ధమైనట్లు బహ్రెయిన్ ఒలింపిక్ కమిటీ (BOC) అధ్యక్షుడు హెచ్‌హెచ్ షేక్ ఖలీద్ బిన్ హమద్ అల్ ఖలీఫా తెలిపారు. అక్టోబరు 16న ముగిసే ఈ టోర్నమెంట్‌ను ఆసియా వెయిట్‌లిఫ్టింగ్ ఛాంపియన్‌షిప్ 2022 (AWC) పర్యవేక్షణలో బహ్రెయిన్ వెయిట్‌లిఫ్టింగ్ ఫెడరేషన్ నిర్వహిస్తోందన్నారు.