పెళ్లిళ్ల సీజన్‌ డిమాండుతో పసిడి ధర పెరుగుతూనే ఉంది. గురువారం రూ.400 పెరగడంతో పది గ్రాముల పసిడి ధర రూ.29,900కి చేరింది. పెళ్లిళ్ల సీజన్‌ కావడంతో నగల వ్యాపారులు కొనుగోళ్లు చేస్తుండటం, ప్రపంచ మార్కెట్ల ప్రభావంతో దీని ధర పెరిగిందని బులియన్‌ మార్కెట్‌ వర్గాలు తెలిపాయి. అంతర్జాతీయంగా సింగపూర్‌ బులియన్‌ మార్కెట్లో ఔన్సు బంగారం ధర 1.03శాతం పెరిగి 1,257.10 అమెరికన్‌ డాలర్లకు చేరింది.గురువారం వెండి కూడా బంగారం దారిలోనే పయనించింది. రూ.2,400 పెరగడంతో కేజీ వెండి ధర రూ.40,900కు చేరింది. పారిశ్రామిక వర్గాలు, నాణేల తయారీదారుల నుంచి భారీగా కొనుగోళ్లు జరుగుతుండటంతో దీని ధర పెరిగిందని బులియన్‌ మార్కెట్‌ వర్గాలు తెలిపాయి. అంతర్జాతీయంగా సింగపూర్‌ బులియన్‌ మార్కెట్లో ఔన్సు వెండి ధర 17.40 అమెరికన్‌ డాలర్లకు చేరింది.