నారా రోహిత్‌, ఇషా తల్వార్‌ జంటగా నటించిన 'రాజా చెయ్యి వేస్తే' చిత్రానికి సెన్సార్‌ బోర్డు నుంచి యూ/ఏ సర్టిఫికెట్‌ లభించింది. కథానాయకుడు నారా రోహిత్‌ తన ఫేస్‌బుక్‌ ఖాతా ద్వారా ఈ విషయాన్ని తెలుపుతూ... సరికొత్త పోస్టర్‌ను అభిమానులతో పంచుకున్నారు.నందమూరి తారకరత్న ఈ చిత్రంలో విలన్‌ పాత్ర పోషించారు. వారాహి చలన చిత్రం పతాకంపై సాయి కొర్రపాటి ఈ చిత్రాన్ని నిర్మించారు. ప్రదీప్‌ చిలుకూరి దర్శకత్వం వహించిన ఈ చిత్రానికి సాయి కార్తీక్‌ సంగీతం సమకూర్చారు. ఈ నెల 29న 'రాజా చెయ్యి వేస్తే' చిత్రం ప్రేక్షకుల ముందుకు రానుంది.