రియాద్: మదీనా ప్రాంతంలో అప్పీల్ కోర్టులో పనిచేస్తున్న న్యాయమూర్తిని లంచం తీసుకున్న ఆరోపణలపై సౌదీ అరేబియా అవినీతి నిరోధక శాఖ అరెస్టు చేసింది. మదీనా ప్రాంతంలోని అప్పీల్ కోర్టులో న్యాయమూర్తిగా ఉన్న ఇబ్రహీం బిన్ అబ్దుల్ అజీజ్ అల్-జుహానీ.. జనరల్ కోర్ట్‌లో పెండింగ్‌లో ఉన్న కేసులో తుది తీర్పును జారీ చేయడానికి ఓ పౌరుడి నుంచి లంచంగా SR500,000 తీసుకుంటున్న క్రమంలో రెడ్ హ్యాండెండ్ గా అదుపులోకి తీసుకున్నట్లు అవినీతి నిరోధక అథారిటీ (నజాహా) తెలిపింది. నిందితుడిపై చట్టపరమైన ప్రక్రియలు పూర్తవుతున్నాయని నజాహా అధికారులు వెల్లడించారు. ప్రభుత్వ కార్యాలయాన్ని దుర్వినియోగం చేసే ఎవరినైనా వదిలే ప్రసక్తే లేదని నజాహా హెచ్చరించింది.