కువైట్: కువైట్ లోని ఫుట్‌బాల్ ప్రేమికులు దోహాలో జరిగే ప్రపంచ కప్‌ను చూసేందుకు కువైట్ ఎయిర్‌లైన్స్ డైరెక్ట్ షటిల్ సర్వీస్‌ను ప్రారంభించింది. ఖతార్‌లో జరిగే 2022 ఫిఫా వరల్డ్ కప్ మ్యాచ్‌లకు హాజరు కావడానికి కువైట్ నుండి దోహాకు నేరుగా విమానాలను కువైట్ ఎయిర్‌వేస్, జజీరా ఎయిర్‌వేస్ నడుపుతున్నట్లు ప్రకటించాయి. ఫుట్ బాల్ అభిమానులు మ్యాచ్‌లకు హాజరై అదే రోజు కువైట్‌కు తిరిగి రావచ్చని తెలిపాయి. అయితే, దోహాకు ప్రయాణించే అభిమానులు తప్పనిసరిగా మ్యాచ్ డే టిక్కెట్‌ను కలిగి ఉండటంతోపాటు ఖతార్‌లోకి హయ్యా కార్డ్ ఎంట్రీ సిస్టమ్ కోసం సైన్ అప్ చేసి ఉండాలని పేర్కొంది. షటిల్ విమానాలలో ప్రయాణీకులు 24 గంటల వ్యవధిలో ఖతార్ వెళ్లి రావచ్చని, వసతి పొందాల్సిన అవసరం లేదని విమానయాన సంస్థలు వెల్లడించాయి.