కతార్‌లో ఏప్రిల్‌ 30 నుంచి బైవాలెంట్‌ ఓరల్‌ పోలియో వ్యాక్సిన్‌ని అందుబాటులోకి తీసుకొస్తున్నారు. వరల్డ్‌ హెల్త్‌ ఆర్గనైజేషన్‌ సూచనలతో ప్రస్తుతం ఉన్న ట్రైవాలెంట్‌ ఓపివికి బదులుగా బైవాలెంట్‌ ఓరల్‌ పోలియో వ్యాక్సిన్‌ (ఓపివి)ని వినియోగించనున్నారు. అలాగే, అక్టోబర్‌ నుంచి మీజిల్స్‌ని నివారించేందుకు జాతీయ స్థాయిలో ఇమ్యునైజేషన్‌ కార్యక్రమం చేపట్టనున్నారు. 1 నుంచి 13 ఏళ్ళలోపు పిల్లలకు ఈ వ్యాక్సిన్‌ ఇస్తారు. ఏప్రిల్‌ 24 నుంచి 30 వరకు ప్రపంచ ఇమ్యునైజేషన్‌ వీక్‌ సందర్భంగా ఈ నిర్ణయాల్ని తీసుకున్నారు. 95 శాతం వాక్సినేషన్‌తో ఖతార్‌ ప్రజారోగ్యంపై ప్రత్యేకమైన శ్రద్ధ పెడుతోంది. వెల్‌ బేబీ క్లినిక్‌ వద్ద ప్రతిరోజూ 50 మంది చిన్నారులకు పలు రకాలైన వ్యాక్సిన్లను వేస్తుంటారు.