ఇళ్ళ నిర్మాణాన్ని వేగవంతం చేస్తున్నట్లు మినిస్టర్‌ ఆఫ్‌ హౌసింగ్‌ బషీమ్‌ అల్‌హమీర్‌ చెప్పారు. అబు దహమ్‌ మరియు బురి విలేజెస్‌లో అధికారులతో కలిసి పర్యటించిన మినిస్టర్‌ బషీమ్‌, స్థానికులు ఇళ్ళ కోసం పడ్తున్న సమస్యలను తెలుసుకున్నారు. ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా డైరెక్షన్‌లో, ఇళ్ళ నిర్మాణ ప్రక్రియ వేగవంతంగా జరుగుతోందని, వెయిటింగ్‌ లిస్ట్‌లో ఉన్నవారికి త్వరలోనే ఇళ్ళను కేటాయిస్తామని వివరించారు. ఇప్పటికే చాలా ప్రాజెక్టులు పూర్తి చేసి, లబ్దిదారులకు అందజేశామనీ, ప్రస్తుతం 25,000 హౌసింగ్‌ యూనిట్స్‌ని 2018 నాటికి పూర్తి చేసి, లబ్దిదారులకు అందజేస్తామని ఆయన చెప్పారు. ఇళ్ళ కోసం దరఖాస్తు చేసుకున్నవారికి త్వరగా ఇళ్ళు లభించేలా అప్లికేషన్‌ ప్రాసెస్‌ని వేగవంతం చేస్తున్నామని మినిస్టర్‌ బషీమ్‌ అల్‌ హమిర్‌ వివరించారు.