యూనివర్సిటీ ఆఫ్‌ దామమ్‌ గ్రాడ్యుయేషన్‌ హాల్‌ నుంచి వెళుతూ, ఓ విద్యార్థి రోడ్డు ప్రమాదంలో తీవ్రంగా గాయపడ్డాడు. గాయపడ్డ విద్యార్థిని ఖాతిర్‌ అల్‌ సలామ్‌గా గుర్తించారు. ఖాతిర్‌, ఆమె తల్లి రోడ్డు ప్రమాదంలో మృతి చెందడం అందర్నీ కలచివేసింది. రోడ్డుని దాటే క్రమంలో ఈ ప్రమాదం జరిగింది. రోడ్డుకి అవతలివైపు ఖాతిర్‌ సోదరుడు ఉన్నారు. అతన్ని కలిసేందుకు వెళుతున్న సమయంలో వేగంగా వస్తున్న ఓ కారు వీరిని ఢీకొంది. గ్రాడ్యుయేషన్‌ సెర్మనీ నిర్వహణలో యూనివర్సిటీ తగు జాగ్రత్తలు తీసుకోకపోవడం వల్లే ఈ ఘటన జరిగినట్లు స్టూడెంట్స్‌ విమర్శించారు. ఆన్‌లైన్‌ వేదికగా పలువురు ఈ ఘటనను తీవ్రంగా ఖండిస్తూ, యూనివర్సిటీపై ఆరోపణలు చేశారు. అయితే యూనివర్సిటీ ప్రతినిథులు, ప్రమాదం దురదృష్టకరమని, ఈ ఘటనలో తమ నిర్లక్ష్యం ఏమీ లేదని వివరించారు. ట్రాఫిక్‌ పోలీసులు ప్రమాదం జరిగిన తీరుపై విచారణ జరుపుతున్నారు. ప్రమాదం జరిగిన వెంటనే అంబులెన్స్‌ అక్కడికి చేరుకుని, తీవ్రంగా గాయపడ్డ ఖాతిర్‌ని ఆసుపత్రికి తరలించింది.