యూఏఈ: రాబోయే రెండు మూడు రోజుల్లో యూఏఈలో కొన్ని ప్రాంతాలలో ఉరుములతో కూడిన వర్షాలు పడే అవకాశం ఉందని, అదే సమయంలో మరికొన్ని ప్రాంతాల్లో మోస్తరు నుండి భారీ వర్షాలు కురుస్తాయని నేషనల్ సెంటర్ ఆఫ్ మెటీరియాలజీ (NCM) వెల్లడించింది. దీంతో ఈ వారాంతంలో చలిగాలుల తీవ్రత పెరుగుతుందని, కనిష్ఠ ఉష్ణోగ్రతలు 4°Cకి పడిపోవచ్చని నేషనల్ సెంటర్ ఆఫ్ మెటీరియాలజీ (NCM) నుండి డాక్టర్ అహ్మద్ హబీబ్ పేర్కొన్నారు. దేశంలోని ఉత్తర, తూర్పు ప్రాంతాలలో ఆకాశం మేఘావృతమై ఉంటుందని, ఫుజైరా, దిబ్బాలో  ఉదయం నుండి మధ్యాహ్నం వరకు వర్షాలు పడే అవకాశం ఉంది. అల్ ఐన్‌లోని కొన్ని ప్రాంతాలలో కూడా మోస్తరు వర్షాలు కురుస్తాయని చెప్పారు. ప్రజలు, వాహనదారులు జాగ్రత్తగా ఉండాలని ఆయన సూచించారు.