రౌడీ స్టార్ విజయ్ దేవరకొండ, సమంత జంటగా ‘ఖుషీ’ అనే సినిమా సెట్స్‌పై వున్న సంగతి తెలిసిందే. ‘మజిలీ’ ఫేమ్ శివ నిర్వాణ ఈ సినిమాకి దర్శకుడు. క్యూట్ అండ్ లవ్‌లీ రొమాంటిక్ ఎంటర్‌టైనర్‌గా రూపొందబోతున్న ఈ చిత్రం రెండు షెడ్యూల్స్ షూటింగ్ అనంతరం సమంత అనారోగ్యం కారణంగా ఆగిపోయింది.

ఈ మధ్యనే సమంత మయోసైటిస్ నుంచి కోలుకోవడం, మళ్లీ షూటింగులకు హాజరవడం జరుగుతోంది. అందులో భాగంగానే ప్రస్తుతం ‘సిటాడెల్’ వెబ్ సిరీస్‌తో ప్రస్తుతం సమంత బిజీగా వుంది. 

ఇక, ‘ఖుషీ’ కోసం మరో పది పదిహేను రోజుల్లో సెట్స్‌లో అడుగు పెట్టనుందట సమంత. అసలే ‘లైగర్’తో డిజాస్టర్ కొట్టి, అడ్రస్ గల్లంతు చేసుకున్న విజయ్ దేవరకొండకి ‘ఖుషీ’ సినిమా చాలా చాలా ప్రతిష్టాత్మకం. ఈ సినిమాపైనే రౌడీ విజయ్ భవిష్యత్తు అంతా ఆధారపడి వుంది. ఈ సినిమాతో హిట్టు కొడితేనే, టాలీవుడ్‌లో తాను ఇంతవరకూ సంపాదించుకున్న క్రేజ్ నిలబడేది. చూడాలి మరి ఏం జరుగుతుందో.!