సూపర్ స్టార్ మహేష్ - త్రివిక్రమ్ శ్రీనివాస్ కాంబినేషన్ మూవీకి సంబంధించి ఓ తాజాగా అప్డేట్ చక్కర్లు కొడుతోంది. ఈ సినిమా కోసం త్రివిక్రమ్ శ్రీనివాస్ సిస్టర్ సెంటిమెంట్‌ని టచ్ చేయబోతున్నాడన్నదే ఆ అప్డేట్ సారాంశం. 

అయితే, గతంలో ‘అర్జున్’ సినిమా కోసం సిస్టర్ సెంటిమెంట్ వాడి, మహేష్ బాబు బోల్తా కొట్టాడు. అలాంటిది, మళ్లీ అలాంటి రిస్క్ చేస్తాడా మహేష్.? అంటూ ఆయన అభిమానులు డౌట్ ఎక్స్‌ప్రెస్ చేస్తున్నారట. 

అయితే, ఇక్కడున్నది గురూజీ. ఆయన సినిమాల్ని అంత తేలిగ్గా తీసి పడేయడానికి లేదు. ఆయన ఇంతవరకూ చేసిన సినిమాలన్నింట్లోనూ ఏదో ఒక సెంటిమెంట్ చుట్టూనే కథ అల్లుకుంటాడు. ఆ సెంటిమెంట్ కూడా చాలా నేచురల్‌గా మానవ జీవితాలను టచ్ చేసేలా వుంటుంది.. అందుకే ఆయన సినిమాలకు అంతలా ప్రేక్షకులు కనెక్ట్ అవుతుంటారు.

అలాగే, మహేష్ సినిమా కోసం ఒకవేళ సిస్టర్ సెంటిమెంట్‌నే తీసుకున్నా.. గురూజీ స్టైల్ వేరే లెవల్‌లో వుంటుంది. అన్నట్లు ఈ సినిమాలో సిస్టర్ రోల్‌ కోసమే శ్రీలీలను తీసుకున్నారన్న ప్రచారం వుంది. పూజా హెగ్దే హీరోయిన్‌గా నటిస్తోంది.