బాలయ్య 108 చిత్రంలో ‘ధమాకా’ బ్యూటీ శ్రీలీల నటిస్తున్న సంగతి తెలిసిందే. ఈ సినిమాలో బాలయ్యకు కూతురుగా నటిస్తోంది శ్రీలీల. తాజాగా ఈ సినిమా కొత్త షెడ్యూల్ షూటింగ్‌లో శ్రీలీల పాల్గొనబోతోంది. 

ఈ నెల 9 నుంచి జరిగే ఈ షెడ్యూల్ షూటింగ్‌లో శ్రీలీల, బాలయ్యపై కొన్ని ఇంపార్టెంట్ సీన్లు షూట్ చేయనున్నారట. మూడు రోజుల పాటు జరిగే ఈ షెడ్యూల్‌లో సినిమాకి అత్యంత కీలకమైన సన్నివేశాల చిత్రీకరణ జరగనున్నట్లు తెలుస్తోంది. 

ఇందుకోసం హైద్రాబాద్ శివార్లలో ఓ భారీ సెట్ వేసినట్లు తెలుస్తోంది. అనిల్ రావిపూడి దర్శకత్వం వహిస్తున్న ఈ సినిమాలో చందమామ కాజల్ అగర్వాల్ హీరోయిన్‌గా నటిస్తోంది. 

మరోవైపు శ్రీలీల రామ్ పోతినేనితో బోయపాటి సినిమాలో నటిస్తున్న సంగతి తెలిసిందే. అలాగే, పవన్ కళ్యాణ్‌తో రెండు సినిమాల్లో శ్రీలీల పేరు ప్రముఖంగా వినిపిస్తోంది.