ప్రస్తుతం పవన్ కళ్యాణ్ రెండు సినిమాల్ని సమాంతరంగా పూర్తి చేసేస్తున్నాడు. అందులో ఒకటి క్రిష్ దర్శకత్వంలో తెరకెక్కుతోన్న ‘హరి హర వీరమల్లు’ కాగా, మరో సినిమా ‘వినోదయ సితం’.

తమిళ రీమేక్ మూవీ ‘వినోదయ సితం’ కోసం కేవలం 21 రోజులు మాత్రమే డేట్లు కేటాయించాడు పవన్ కళ్యాణ్. దాదాపుగా పవన్ కళ్యాణ్ డేట్స్ ఇచ్చిన మేరకు ఈ సినిమా షూటింగ్ కంప్లీట్ అయిపోతోంది.

ఇక, తదుపరి పవన్ చేయాల్సిన రెండు ప్రాజెక్టులు ఉస్తాద్ భగత్ సింగ్’, ‘ఓజీ’లను కూడా ఇదే విధంగా సైమల్టేనియస్‌గా పూర్తి చేసేయనున్నాడట. 

ఏప్రిల్ నుంచి ఈ సినిమాల రెగ్యులర్ షూటింగులు స్టార్ట్ కానున్నాయనీ తెలుస్తోంది. మొదట ‘ఉస్తాద్ భగత్ సింగ్’ షెడ్యూల్ ప్లాన్ చేస్తున్నారట. అది పూర్తి కాగానే, మరో పదిరోజులు ‘ఓజీ’ కోసం డేట్లు కేటాయించాడట పవన్ కళ్యాణ్.