కువైట్: పవిత్ర రమదాన్ మాసం సందర్భంగా ప్రభుత్వ సంస్థలకు అనువైన పని వేళలను సివిల్ సర్వీస్ కమిషన్ (CSC) ఈరోజు ప్రకటించింది. సీఎస్సీ ప్రకటన ప్రకారం రమదాన్ పని వేళలు నాలుగున్నర గంటలు మాత్రమే ఉంటాయి. అయితే ప్రతి రాష్ట్ర శాఖ మూడు స్లాట్లలో పని వేళలను ఎంచుకునే అవకాశం కల్పించారు. ఉదయం 9:45 నుండి మధ్యాహ్నం 2:15 వరకు లేదా 10:15 నుండి 2:45 వరకు లేదా 10:45 నుండి 3:15 వరకు ఎంచుకోవచ్చు. ప్రతి ప్రభుత్వ ఏజెన్సీ పని పరిస్థితులు, స్వభావాన్ని బట్టి పై స్లాట్ల నుండి అధికారిక పని వేళలను ఎంచుకోవచ్చని కమిషన్ పేర్కొంది.