బహ్రెయిన్: లేబర్ మార్కెట్, ఉత్పాదకతను బలోపేతం చేసే విధానాలు, కార్యక్రమాలను అవలంబించడానికి బహ్రెయిన్ సిద్ధంగా ఉందని క్రౌన్ ప్రిన్స్, ప్రధాన మంత్రి, హిస్ రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా అన్నారు. రిఫా ప్యాలెస్‌లో ఇంటర్నేషనల్ ఆర్గనైజేషన్ ఫర్ మైగ్రేషన్ డైరెక్టర్ జనరల్ ఆంటోనియో విటోరినోతో జరిగిన సమావేశంలో ఈ మేరకు ప్రకటించారు. బహ్రెయిన్ హిస్ మెజెస్టి కింగ్ హమద్ బిన్ ఇసా అల్ ఖలీఫా దార్శనికతలకు అనుగుణంగా ఏజెన్సీతో సహకారాన్ని పెంపొందించుకుంటామని స్పష్టం చేశారు. బహ్రెయిన్ ప్రగతిశీల అభివృద్ధిని మరింత ముందుకు తీసుకెళ్లడంలో పౌరులు, నివాసితులతో సహా బహ్రెయిన్ బృందం పోషించిన ముఖ్యమైన పాత్రను ఈ సందర్భంగా  క్రౌన్ ప్రిన్స్ ప్రస్తావించారు. యుఎస్ స్టేట్ డిపార్ట్‌మెంట్ వ్యక్తుల అక్రమ రవాణా నివేదికలో బహ్రెయిన్ టైర్ 1 హోదా వరుసగా ఐదు సంవత్సరాలుగా నిలబెట్టుకుంటుందని, అక్రమ రవాణా నిరోధక ప్రయత్నాలలో అంతర్జాతీయ ఉత్తమ పద్ధతులను అవలంబించడంతోనే ఈ విజయం సాధ్యమైందని హెచ్‌ఆర్‌హెచ్ ప్రిన్స్ సల్మాన్ తెలిపారు. బహ్రెయిన్ -ఇంటర్నేషనల్ ఆర్గనైజేషన్ ఫర్ మైగ్రేషన్ మధ్య ఇప్పటికే ఉన్న సహకారంతో సహా అనేక సాధారణ ఆసక్తి ఉన్న అంశాలను ఈ సమావేశంలో చర్చించారు. జాతీయ ఆర్థిక మంత్రి షేక్ సల్మాన్ బిన్ ఖలీఫా అల్ ఖలీఫా కూడా ఈ సమావేశంలో పాల్గొన్నారు.