దుబాయ్: శనివారం మధ్యాహ్నం 1 గంటల నుంచి ట్రాఫిక్ నెమ్మదిగా జరుగుతుందని వాహనదారులను దుబాయ్ రోడ్స్ అండ్ ట్రాన్స్‌పోర్ట్ అథారిటీ (RTA) హెచ్చరించింది. దుబాయ్ వరల్డ్ కప్(గుర్రాల పోటీ) మార్చి 25న ప్రారంభం కానున్న నేపథ్యంలో ఆర్టీఏ ట్రాఫిక్ అలెర్ట్ జారీ చేసింది. అల్ మేడాన్ సెయింట్, అల్ ఖైల్ రోడ్, దుబాయ్-అల్ ఐన్ రోడ్‌లతో సహా - మధ్యాహ్నం 1 గంటల నుంచి అర్ధరాత్రి మధ్య కొన్ని రహదారుల్లో భారీగా ట్రాఫిక్ జామ్ ఏర్పడే అవకాశం ఉంది. డ్రైవర్లు ముందుగానే బయలుదేరడంతోపాటు ప్రత్యామ్నాయ మార్గాలను ఉపయోగించాలని RTA సూచించింది. దుబాయ్ ప్రపంచ కప్ - ఇది మైదాన్ రేస్‌కోర్స్‌లో జరుగుతుంది. మొత్తం $30.5 మిలియన్ల ప్రైజ్ పూల్ కోసం 12 దేశాల నుండి 126 గుర్రాలు పోటీపడుతున్నాయి.