మస్కట్: ఒమన్ సుల్తానేట్ మార్చి 27వ తేదీ సోమవారం నుండి 29వ తేదీ బుధవారం వరకు మూడు రోజుల పాటు వాయుగుండం వల్ల ప్రభావితమయ్యే అవకాశం ఉంది. ఒమన్ వాతావరణ శాఖ కూడా ప్రభావం గరిష్టంగా మంగళవారం ఉంటుందని, బుధవారం ఉదయం వరకు ఉంటుందని పేర్కొంది. ఈ మేరకు వెదర్ అలెర్ట్ ను జారీ చేసింది. ప్రజలు ఆ మేరకు ప్రయాణ ఏర్పాట్లను చేసుకోవాలని, చెరువులు, కుంటలు వంటి నీటి ప్రవాహాలకు దూరంగా ఉండాలని, అత్యవసరం అయితేనే బయటకు రావాలని వాతావరణ శాఖ తన అలెర్ట్ లో సూచించింది.