నేచురల్ స్టార్ నానికి ‘దసరా’ సినిమా వెరీ వెరీ స్పెషల్ అని తెలుస్తోంది. క్లాస్ హీరో మాత్రమే కాదు నాని. కొన్ని మాస్ లుక్స్‌లోనూ కనిపించి మెప్పించాడు. అయితే, ‘దసరా’ కోసం పక్కా మాస్ హీరోగా మారిపోయాడు.

మాస్ అంటే అలాంటిలాంటి మాస్ కాదు మరి. అందుకే ‘దసరా’ని అందరూ మాస్ ఊర మాస్ సినిమా అంటున్నారు. కానీ, నాని దృష్టిలో ‘దసరా’ మనసుకు హత్తుకునే మాస్ అని అభివర్ణిస్తున్నాడు. 

ఈ సినిమా విజయంపై నాని చాలా నమ్మకంగా వున్నాడు. అలాగే, ఈ సినిమాతో ప్యాన్ ఇండియా హీరోగా ఎదగబోతున్నాడు నాని. 

‘ధరణి’ పాత్రలో నాని నటిస్తున్నాడు ఈ సినిమాలో. వెన్నెలగా కీర్తి సురేష్ కనిపించనుంది. శ్రీకాంత్ ఓదెల అను కొత్త కుర్రాడు డైరెక్టర్‌గా పరిచయం కాబోతున్నాడు. బాలీవుడ్‌లో ఈ సినిమా భారీ ఎత్తున రిలీజ్ చేస్తుండడం విశేషం. మార్చి 30న ‘దసరా’ ప్రేక్షకుల ముందుకు రానుంది.