జెడ్డా: మానవ వనరులు, సామాజిక అభివృద్ధి మంత్రిత్వ శాఖ (MHRSD) కార్మిక చట్టానికి ప్రతిపాదించిన సవరణలు కేవలం సూచనలు మాత్రమేనని, ఫైనల్ దశలో వాటిని ఆమోదించలేదని స్పష్టం చేసింది. కార్మిక చట్టంలో ఏదైనా సవరణకు తుది ఆమోదం లభిస్తే అధికారిక ప్రకటన చేస్తామని మంత్రిత్వ శాఖ తెలిపింది. ఈ ప్రతిపాదిత సవరణలు అన్ని సంస్థలు,  వ్యక్తులతో భాగస్వామ్యం చేయబడ్డాయని, వారి అభిప్రాయాలు- సూచనలను తీసుకుంటున్నట్లు పేర్కొంది.  మార్చి 27న ఓ వార్తాపత్రికలో వచ్చిన ఒక నివేదికకు ప్రతిస్పందనగా.. జనవరి 2021లో పబ్లిక్ కన్సల్టేషన్ ప్లాట్‌ఫారమ్ ఇస్తిత్లా ప్రతిపాదిత సవరణలను ప్రచురించినట్లు మంత్రిత్వ శాఖ స్పష్టం చేసింది. అవి కేవలం ప్రతిపాదనలు మాత్రమేనని, తుది ఆమోదం తర్వాతే అవి అమల్లోకి వస్తాయన్నారు.