యూఏఈ: కొన్ని ప్రాంతాలలో ధూళితో కూడిన గాలులు వీస్తాయని, పాక్షికంగా మేఘావృతమై తేలికపాటి వర్షపాతం నమోదయ్యే అవకాశం ఉందని జాతీయ వాతావరణ కేంద్రం తెలిపింది.  ముఖ్యంగా సముద్రం మీదనుంచి బలమైన గాలులు ముఖ్యంగా వీస్తాయని, దీనివల్ల దుమ్ము, ఇసుక గాలిలో కలిసి.. సమాంతర విజిబిలిటీ తగ్గుతుందని పేర్కొంది. దేశంలో ఉష్ణోగ్రతలు 36ºC వరకు ఉండవచ్చని, అబుధాబి, దుబాయ్‌లో ఉష్ణోగ్రతలు 31ºCకి పెరగవచ్చని తెలిపింది. అయితే, ఉష్ణోగ్రతలు అబుధాబిలో 20ºC , దుబాయ్‌లో 21ºC , ఇతర ప్రాంతాల్లో 11ºC కంటే తక్కువగా నమోదు అయ్యే అవకాశం ఉంది. కొన్ని ప్రాంతాలలో శనివారం రాత్రి, ఆదివారం ఉదయం తేమగా ఉంటుంది. అబుధాబి, దుబాయ్‌లలో 25 నుండి 85 శాతం వరకు తేమ ఉంటుందని ప్రకటించారు. అరేబియా గల్ఫ్‌లో గాలులు చాలా చురుకుగా ఉంటాయని, ఒమన్ సముద్రంలో రాత్రి సమయంలో గాలులు మధ్యస్థంగా ఉంటాయని జాతీయ వాతావరణ కేంద్రం తెలిపింది.