అక్కినేని హీరో అఖిల్ నుంచి వస్తోన్న తాజా సినిమా ‘ఏజెంట్’. సురేందర్ రెడ్డి దర్శకత్వం వహిస్తున్నారు. ఎప్పుడో రిలీజ్ కావల్సిన ఈ సినిమాని వాయిదాల పర్వం వెంటాడగా ఎట్టకేలకు ఏప్రిల్‌లో రిలీజ్‌కి నోచుకుంది. 

ఈ సినిమా కోసం అఖిల్ చాలా చాలా కష్టపడ్డాడు. సిక్స్ ప్యాక్ బాడీతో, డిఫరెంట్ మేకోవర్‌తో కనిపిస్తున్నాడు. ఇంట్రెస్టింగ్ స్పై థ్రిల్లర్ కాన్సెప్ట్‌తో రూపొందింది ఈ సినిమా. 

అంతా బాగానే వుంది. కానీ, రిలీజ్ డేట్ దగ్గర పడుతున్నా ఆశించిన స్థాయిలో బజ్ క్రియేట్ కావడం లేదు ఈ సినిమాకి. ఇంకేముంది.! ‘ఏజెంట్’ ప్రమోషన్లు ఓ రేంజ్‌లో వుండబోతున్నాయట.. అంటూ ప్రచారం ఊదరగొడుతున్నారు కానీ, ఆ ఛాయలేం కనిపించడం లేదు.

ఈ రోజుల్లో ఏ సినిమాకి అయినా పబ్లిసిటీనే మస్ట్. చిన్న సినిమా అయినా పబ్లిసిటీ బాగా చేస్తే హిట్ బాట పడుతోంది. అలాంటిది, ‘ఏజెంట్’ అఖిల్‌కి చాలా ప్రెస్టీజియస్. ఈ సినిమా విషయంలో ఎందుకింత సైలెన్స్.!