నందమూరి నట సింహం బాలయ్య 108వ చిత్రంగా రూపొందుతోన్న చిత్రంలో ఓ స్పెషల్ సాంగ్ చిత్రీకరణకు సన్నాహాలు జరుగుతున్నాయ్. ముంబయ్ నుంచి వందలాది మంది డాన్సర్లు ఈ సాంగ్ చిత్రీకరణలో పాల్గొనబోతున్నారట. 

భారీ బడ్జెట్‌తో విజువల్ వండర్‌గా ఈ సాంగ్ డిజైన్ చేయబోతున్నారట. బాలయ్యతో పాటూ, హీరోయిన్ కాజల్ అగర్వాల్.. అలాగే ఇంపార్టెంట్ రోల్ పోషిస్తున్న శ్రీలీల కూడా ఈ సాంగ్‌లో డాన్స్ చేయబోతున్నారట. 

పండగ నేపథ్యంలో ఈ సాంగ్ వుండబోతోందనీ సమాచారం. ఈ సాంగ్ కోసం కొన్ని కోట్లతో అద్భుతమైన సెట్ వేస్తున్నారట. రామోజీ ఫిలిం సిటీ ఈ సాంగ్ షూటింగ్‌కి వేదిక కానుందనీ తెలుస్తోంది.

నాలుగు రోజుల పాటు ఏక ధాటిగా ఈ సాంగ్ షూట్ చేయనున్నారట. సినిమాకి హైలైట్‌గా వుండనుందట ఈ పాట. అనిల్ రావిపూడి దర్శకత్వంలో ఈ సినిమా తెరకెక్కుతోన్న సంగతి తెలిసిందే. ‘విజయ దశమికి ఆయుధ పూజ’ అంటూ దసరాకి ఈ సినిమా రిలీజ్ వుండబోతోందనీ లేటెస్టుగా చిత్ర యూనిట్ కన్‌ఫామ్ చేసింది.