బహ్రెయిన్: ఈద్ అల్ ఫితర్ నేపథ్యంలో బహ్రెయిన్ అంతటా అబయాలు, పెర్ఫ్యూమ్‌ల డిమాండ్‌ పెరిగిందని రిటైలర్లు చెబుతున్నారు. పండుగ అమ్మకాలు 60% నుండి 70% వరకు పెరిగాయని తెలిపారు. జిదాలీ షాపింగ్ సెంటర్ లో 100కి పైగా అబాయా షాపులు ఉండగా.. ఒక్కో స్టోర్ రమదాన్ సీజన్‌లో సగటున 150 అబాయా విక్రయాలను చేస్తున్నట్లు వెల్లడించాయి. ఫాబ్రిక్ ఎంబ్రాయిడరీ స్థాయిని బట్టి వీటి ధరలు BD10 నుండి BD60 వరకు ఉన్నాయని తెలిపారు.  ఈద్ వేడుకలో పెర్ఫ్యూమ్‌లు ఒక ముఖ్యమైన భాగం. చాలా మంది ఈద్ వేడుకలో  మంచి పెర్ఫ్యూమ్ వేసుకోవడం కీలకంగా భావిస్తారు.  మనామా సౌక్ లో వందలాది పెర్ఫ్యూమ్ దుకాణాలున్నాయి. వస్తున్న డిమాండ్‌ను తీర్చడానికి విస్తృత శ్రేణి పరిమళ ద్రవ్యాలను దిగుమతి చేసుకుంటున్నట్లు వ్యాపారాలు తెలిపారు. ఈద్ తేదీ సమీపిస్తున్న కొలది అబయాలు, పరిమళ ద్రవ్యాలకు ఇంకా డిమాండ్ పెరుగుతుందని రిటైలర్లు వెల్లడించారు.