అక్కినేని అఖిల్ ఆశలు పెట్టుకున్న సినిమా ‘ఏజెంట్’. ఎలాగైనా ఈ సినిమాతో హీరోగా నిలదొక్కుకోవాలని పట్టు వదలని విక్రమార్కుడిలా ప్రయత్నిస్తున్నాడు అఖిల్.

సినిమా కోసం చాలా కష్టపడ్డాడు. పొడుగైన జుట్టు, భయంకరమైన కండలు తిరిగిన దేహం కోసం కఠినమైన డైట్ ఫాలో చేస్తూ చాలా చాలా కష్టపడ్డాడు అఖిల్. ఆ కష్టమంతా స్క్రీన్‌పై కనిపిస్తుందో లేదో కానీ, ఈ సినిమాని బాగా ప్రమోట్ చేస్తున్నారు.

ఈ నెలాఖరుకు (ఏప్రిల్ 28)న ‘ఏజెంట్’ ప్రేక్షకుల ముందుకు రానుంది. అఖిల్ హై ఓల్టేజ్ యాక్షన్ డ్రామాగా ‘ఏజెంట్’ తెరకెక్కిందని లేటెస్ట్ ట్రైలర్ ద్వారా ప్రూవ్ అయ్యింది.

డిఫరెంట్ వేరియేషన్స్‌తో కనిపిస్తున్నాడు అఖిల్ ఈ సినిమాలో. మలయాళ సీనియర్ నటుడు ముమ్ముట్టి ఈ సినిమాలో కీలక పాత్ర పోషిస్తున్నాడు. బాలీవుడ్ బ్యూటీ సాక్షి వైద్య హీరోయిన్‌గా నటించింది. 

స్టైలిష్ దర్శకుడు సురేందర్ రెడ్డి దర్శకత్వం వహించారు.