2023లో కొత్తగా 35 వేల ఉద్యోగాల కల్పన: ఒమన్
- April 19, 2023మస్కట్: ఒమన్ కార్మిక మంత్రిత్వ శాఖ సుల్తానేట్ 2023 సంవత్సరానికి కనీసం 35,000 ఉద్యోగ అవకాశాలను అందించాలని లక్ష్యంగా పెట్టుకుందని హిస్ ఎక్సెలెన్సీ లేబర్ మినిస్టర్ తెలిపారు. 2023 సంవత్సరంలో కనీసం రెండు కార్యక్రమాల ద్వారా 35,000 ఉద్యోగావకాశాలు కల్పించాలని మంత్రిత్వ శాఖ లక్ష్యంగా పెట్టుకుందని కార్మిక శాఖ మంత్రి మహద్ బావిన్ వెల్లడించారు. మొదటిది రిక్రూట్మెంట్ -రీప్లేస్మెంట్.. ఇందులో మేనేజర్లు, స్పెషలిస్ట్లు, టెక్నీషియన్ల వృత్తులలో 8 శాతం ఉద్యోగాలను కొత్తగా కల్పించనున్నారు. రెండవది పునరావాసం- శిక్షణ ద్వారా ఆయా రంగాల్లో కొత్త వారికి అవకాశాలు కల్పించనున్నారు. కార్మిక మంత్రిత్వ శాఖ 130,000 కంటే ఎక్కువ మంది ఉద్యోగుల కోసం కెరీర్ ప్లాన్లను రూపొందించడంలో 2,000 కంటే ఎక్కువ శిక్షణా వర్క్షాప్లను నిర్వహించింది. 2022లో 35,000 ఉద్యోగావకాశాలు కల్పించాలని మంత్రిత్వ శాఖ లక్ష్యంగా పెట్టుకుందని, గతంలో పనిచేసిన 35,000 మందికి పైగా (రొటేషన్) అదనంగా రెండు రంగాల్లో 45,000 ఉద్యోగావకాశాలు కల్పించామని కార్మిక శాఖ మంత్రి అన్నారు. ఏప్రిల్ 18న నిర్వహించిన కార్మిక మంత్రిత్వ శాఖ వార్షిక సమావేశంలో.. 2023 సంవత్సరంలో మంత్రిత్వ శాఖ లక్ష్య పనితీరును కార్మిక శాఖ మంత్రి, హిస్ ఎక్సలెన్సీ డాక్టర్ మహద్ బిన్ సయీద్ బవాయిన్ సమీక్షించారు.
తాజా వార్తలు
- హ్యూమన్ ట్రాఫికింగ్ గ్యాంగ్ గుట్టు రట్టు చేసిన విశాఖ పోలీసులు..
- బాంబు దాడుల పై ఈసీ సీరియస్..బాటిళ్లలో ఇక పెట్రోల్కు నో
- ఆ దేశంలోని భారతీయ విద్యార్థులందరూ ఇళ్ల నుంచి బయటకు రాకండి: కేంద్ర మంత్రి ఎస్ జైశంకర్
- ప్రొఫెసర్ వెల్చ్ కు యూఏఈ ప్రెసిడెంట్ బంపరాఫర్..!
- యూఏఈలో స్వల్ప భూకంపం
- 'అర్ధరాత్రి దొంగ'కు ఏడాది జైలు, జరిమానా
- బహ్రెయిన్ టాలెంట్ హబ్.. ఔట్రీచ్ నివేదిక వెల్లడి
- పబ్లిక్ టాయిలెట్లలో జెమ్స్ భయమా? Dh10తో పరిష్కారం..!
- దోహా ఇంటర్నేషనల్ బుక్ ఫెయిర్లో కొత్త పోటీలు
- యాదాద్రిలో ప్లాస్టిక్ పై నిషేధం..ఉత్తర్వులు జారీ