ఉగ్రవాద సంస్థకు సంబంధించిన వారిగా భావించి అరెస్టు చేసిన పది మందిని విడుదల చేసినట్లు దిల్లీ పోలీసులు తెలిపారు. వారి వద్ద సరైన ఆధారాలు లభించకపోవడంతో విడిచిపెట్టినట్లు స్పెషల్‌ కమిషనర్‌ ఆఫ్‌ పోలీస్‌ అరవింద్‌ దీప్‌ తెలిపారు. మే3న జైషే మహ్మద్‌తో సంబంధం ఉన్నవారిగా భావించిన 13 మందిని దిల్లీ పోలీసులు అదుపులోకి తీసుకున్న విషయం తెలిసిందే.
వారిలో నలుగురిని శనివారం విడుదల చేయగా, సోమవారం ఆరుగురిని విడుదల చేసినట్లు చెప్పారు. సైకాలజిస్టులతో వారికి కౌన్సిలింగ్‌ ఇప్పించినట్లు చెప్పారు. దిల్లీ పోలీస్‌ యాంటీ టెర్రరిజం యూనిట్‌ స్పెషల్‌ సెల్‌ పోలీసులు... దిల్లీ, ఉత్తర ప్రదేశ్‌ల నుంచి మొత్తం 13మందిని అదుపులోకి తీసుకున్నారు. వారిని ప్రశ్నించిన తర్వాత ముగ్గుర్ని అప్పుడే వదిలేయగా మిగిలిన పది మందిని రెండు విడతల్లో విడిచిపెట్టారు.