మక్కా: ఉమ్రా చేసేందుకు వచ్చిన సింగపూర్ యువతి మక్కాలో మగబిడ్డకు జన్మనిచ్చింది. ప్రసవం సాధారణంగా జరిగిందని, తల్లి, బిడ్డ ఆరోగ్యంగా ఉన్నారని వైద్య వర్గాలు తెలిపాయి. తొమ్మిది నెలల గర్భిణి అయిన యాత్రికురాలిని బుధవారం ఉదయం మక్కా హెల్త్ క్లస్టర్ పరిధిలోని హరమ్ ఎమర్జెన్సీ సెంటర్ 3లో చేర్చారు. సాధారణ ప్రసవం అనంతరం అవసరమైన చికిత్స కోసం తల్లి, బిడ్డను ప్రసూతి, పిల్లల ఆసుపత్రికి బదిలీ చేసినట్లు మక్కా హెల్త్ క్లస్టర్ ఒక ప్రకటనలో తెలిపింది. అజ్యాద్ ఎమర్జెన్సీ హాస్పిటల్ 2022 సంవత్సరంలో సందర్శకులు, ఉమ్రా యాత్రికులు, పౌరులు మరియు నివాసితుల కోసం అత్యవసర విభాగం ద్వారా 42,000 కంటే ఎక్కువ మంది లబ్ధిదారులకు వైద్య సేవలను అందించినట్లు వెల్లడించింది.