దోహా, ఖతార్: జూన్ 1 నుండి  పగటిపూట ఉదయం 10 గంటల నుండి మధ్యాహ్నం 3:30 గంటల వరకు బహిరంగ ప్రదేశాల్లో పని చేయడాన్ని ఖతార్ కార్మిక శాఖ నిషేధించింది. అయితే, ఈ చట్టం యొక్క ఏవైనా ఉల్లంఘనలను గుర్తిస్తే తమకు ఫిర్యాదు చేయాలని కార్మిక శాఖ వెల్లడించింది. హీట్ స్ట్రెస్ చట్టం ఉల్లంఘనలకు సంబంధించిన ఫిర్యాదులను మంత్రిత్వ శాఖలోని లేబర్ ఇన్‌స్పెక్షన్ విభాగం 40288101లో ఫిర్యాదు చేయవచ్చు. ఈ సమాచారాన్ని అందించిన వారి వివరాలను గోప్యంగా పెడతామని మంత్రిత్వ శాఖ హామీ ఇచ్చారు. "కాలర్‌ను మా సిబ్బంది ఎటువంటి వ్యక్తిగత వివరాలు అడగరు. ఫిర్యాదు గురించి కంపెనీకి కూడా తెలియజేయరు. " అని మంత్రిత్వ శాఖ తెలిపింది.