ఆండ్రాయిడ్ స్మార్ట్‌ఫోన్ వినియోగదారులు సులభంగా సమాచారాన్ని అనువదించడానికి గూగుల్ గురువారం కొత్త ఫీచర్‌ను ప్రవేశపెట్టింది.' ట్యాప్ టు ట్రాన్స్‌లేట్'గా పిలిచే ఈ ఫీచర్‌తో వినియోగదారులు టెక్ట్స్‌ను ఇక కాపీ,పేస్టు చేయనక్కర్లేదు. మనం వాడే ఏ యాప్‌లోనైనా 103 భాషల్లో ఈ సౌకర్యం అందుబాటులో ఉంటుందని గూగుల్ ప్రకటించింది. ఐఓఎస్ ప్లాట్‌ఫాంలో పనిచేసే మరో ఫీచర్ 'ఆఫ్‌లైన్ మోడ్' చిన్న ఆఫ్‌లైన్ ప్యాకేజీలతో నడిచే ఆండ్రాయిడ్‌కు అందుబాటులోకి రానుంది.