అల్లు అర్జున్‌     ''గీతా ఆర్ట్స్‌ సంస్థలో కొన్ని సినిమాలు చేసినా, సరైన విజయం సాధించలేకపోయా అనే లోటు ఉండేది. దాన్ని 'సరైనోడు' తీర్చేసింది' అంటున్నారు అల్లు అర్జున్‌. ఆయన కథానాయకుడిగా నటించిన చిత్రం 'సరైనోడు'. బోయపాటి శ్రీను దర్శకత్వం వహించిన ఈ చిత్రం ఇటీవలే ప్రేక్షకుల ముందుకొచ్చింది. తొలి 20 రోజుల్లోనే వంద కోట్ల గ్రాస్‌ సాధించింది. బన్నీ సినిమాల్లో 'రేసుగుర్రం' తరవాత వంద కోట్లు తెచ్చుకొన్న చిత్రమిదే. ఈ సందర్భంగా సితారతో అల్లు అర్జున్‌ మాట్లాడుతూ ''నా సినిమాలు ఓవర్సీస్‌లో, నైజాంలో మంచి వసూళ్లు దక్కించుకొన్నాయి. ఆంధ్రాలోనూ బాగానే ఆడినా టాప్‌ 5లో నా సినిమా చూసుకోలేకపోయా. ఆ లోటు కూడా 'సరైనోడు' తీర్చింది. ఇదేం 'వూరమాస్‌' సినిమాకాదు. చాలా స్టైలీష్‌గా తీశాం. నా కోసం రెండు మూడు కోట్లు ఎక్కువ ఖర్చుపెట్టించా. అందుకే సినిమా అంత రిచ్‌గా వచ్చింది. మాస్‌ పల్స్‌ ఎలా పట్టుకోవాలో బోయపాటి శ్రీనుకి బాగా తెలుసు. ఈ సినిమాతో అది మరోసారి రుజువు అయ్యింద''న్నారు.