టర్కీలోని ఇస్తాంబుల్‌లో ఇంటర్నేషనల్‌ మోడెస్ట్‌ ఫ్యాషన్‌ వీక్‌ శుక్రవారం ప్రారంభమైంది. రెండురోజుల పాటు జరిగే ఈ ఫ్యాషన్‌ షోలో ప్రపంచదేశాలకు చెందిన పలువురు డిజైనర్లు పాల్గొన్నారు. ఈ ఫ్యాషన్‌ షోకి రెండు ప్రత్యేకతలున్నాయి. మొదటిది.. హుందాగా కన్పించే దుస్తులు. అందుకే దీనిని మోడెస్ట్‌ ఫ్యాషన్‌ షో అన్నారు. రెండోది చారిత్రక హైదర్‌ పాషా రైల్వే స్టేషన్‌ ప్లాట్‌ఫాంపై ర్యాంప్‌వాక్‌ నిర్వహించడం.   

 టర్కీలోని ముస్లిం ఫ్యాషన్‌ ఆన్‌లైన్‌ రిటైలర్‌ మోడానిసా ఆధ్వర్యంలో ఈ ఫ్యాషన్‌ షోను ఏర్పాటు చేశారు. వారి సంప్రదాయం ప్రకారం రూపొందించిన పొడవాటి దుస్తులు వస్త్రప్రియులను ఆకట్టుకుంటున్నాయి. టర్కీలో జరుగుతున్న మొదటి అంతర్జాతీయ ఫ్యాషన్‌ వీక్‌ ఇదే కావడం మరో విశేషం.