‘పెళ్లైన కొత్తలో’ సినిమాతో హీరోయిన్‌గా తెలుగు తెరకు పరిచయమైన ముద్దుగుమ్మ ప్రియమణి. తర్వాత ‘యమదొంగ’ తదితర సినిమాలతో పాపులర్ అయ్యింది. ఎన్టీయార్‌తో పాటూ నాగార్జున తదితర స్టార్ హీరోలతోనూ స్క్రీన్ షేర్ చేసుకుంది.
ప్రస్తుతం పెళ్లి చేసుకుని కూడా కెరీర్‌ని కొనసాగిస్తోంది. హీరోయిన్‌గా అవకాశాలు రాకపోయినా, క్యారెక్టర్ ఆర్టిస్టుగా సెటిలైపోయింది.
లేటెస్ట్‌గా ‘కస్టడీ’ సినిమాలో నటించింది. అలాగే, పలు సినిమాల్లో ప్రత్యేకమైన హుందా అయిన పాత్రలను ప్రియమణి ఎంచుకుంటోంది. 
మరోవైపు ఓటీటీలో వెబ్ సిరీస్‌లలోనూ తన టాలెంట్ చూపిస్తోంది. అయితే, వెబ్ కంటెంట్ అంటే, కొన్ని ఇంటిమేట్ సీన్లు, ముద్దు సీన్లు తప్పనిసరి అయిపోయాయ్. కానీ, అలాంటి సీన్లకు తాను దేూరం అంటోంది ప్రియమణి.
పెళ్లి తర్వాత అలాంటి సన్నివేశాల్లో నటించడం తనకు అంత కంఫర్ట్ కాదని చెబుతోంది. సో, ప్రాజెక్ట్ సైన్ చేసేముందే దర్శక, నిర్మాతలకు ఆ షరతులు పెట్టేస్తుందట. అలాంటి షరతుల కారణంగా చాలా బిగ్ ప్రాజెక్టులు వదులు కోవల్సి వచ్చిందట ఈ మధ్య ప్రియమణి. హయ్యెస్ట్ రెమ్యునరేషన్ ఆఫర్ చేసినా కొన్ని ప్రాజెక్టుల్ని సింపుల్‌గా వదిలేసుకున్నానంటూ తాజాగా ఓ ఇంటర్య్యూలో ప్రియమణి చెప్పుకొచ్చింది.