యూఏఈ: ఫుజైరాలో 3.2 తీవ్రతతో భూకంపం నమోదైనట్టు యూఏఈ నేషనల్ సెంటర్ ఆఫ్ మెటియోరాలజీ (NCM) తెలిపారు.  ఎమిరేట్‌లోని ధడ్నా పరిసరాల్లో ఉదయం 10.51 గంటలకు తేలికపాటి ప్రకంపనలు గుర్తించినట్లు NCM తెలిపింది. భూకంప కేంద్రం భూమి నుంచి 5 కిలోమీటర్ల లోతులో  ఉందని పేర్కొంది. భూప్రకంపనలను ఉత్తరాన ఉన్న నివాసితులు స్వల్పంగా గుర్తించారని తెలిపింది. దేశంలో కొన్నిసార్లు ఇటువంటి ప్రకంపనలు నివేదించబడినప్పటికీ, ఈ ప్రాంతంలో భూకంపాల గురించి నివాసితులు సాధారణంగా ఆందోళన చెందడానికి ఎటువంటి కారణం లేదని నిపుణులు ఇంతకు ముందు చెప్పారు.