మల్టీ స్టారర్ సినిమాల ట్రెండ్ నడుస్తున్న సంగతి తెలిసిందే. ‘ఆర్ఆర్ఆర్’ సినిమా ప్రపంచ ప్రఖ్యాతి దక్కించుకుంది మల్టీ స్టారర్ లిస్టులో ఈ మధ్య. ఈ సినిమా ఇచ్చిన ఉత్సాహంతో మరిన్ని మల్టీ స్టారర్లు రూపొందించేందుకు క్రియేటివ్ డైరెక్టర్లు స్ర్కిప్ట్ సిద్ధం చేసుకుంటున్నారు. 
ఈ నేపథ్యంలోనే చిరంజీవి, కమల్ హాసన్ కాంబినేషన్‌లో ఓ భారీ మల్టీ స్టారర్‌ని ప్లాన్ చేసేందుకు బడా నిర్మాతలు రంగం సిద్ధం చేస్తున్నారట. ప్యాన్ వరల్డ్ ప్రాజెక్ట్‌గా ఈ సినిమా వుండబోతోందనీ తెలుస్తోంది. అంతేకాదు, ఈ సినిమాలో సూపర్ స్టార్ రజనీకాంత్ కూడా ఓ గెస్ట్ రోల్‌లో కనిపించబోతున్నట్లు గుసగుసలు వినిపిస్తున్నాయ్. 
ఈ ముగ్గురు స్టార్ హీరోలూ ప్రస్తుతం తమ తమ ప్రెస్టీజియస్ ప్రాజెక్టులతో బిజీగా వున్న సంగతి తెలిసిందే. రీసెంట్‌గా చిరంజీవి, రజనీకాంత్.. పోటా పోటీగా ‘భోళా శంకర్’, ‘జైలర్’ సినిమాలతో ప్రేక్షకుల ముందుకు వచ్చిన సంగతి తెలిసిందే. 
‘విక్రమ్’తో రికార్డులు కొల్లగొట్టిన కమల్ హాషన్ త్వరలో ‘ఇండియన్ 2’ సినిమాతో రాబోతున్నారు. చూడాలి మరి, ఈ బిగ్ మల్టీ స్టారర్ ఎప్పుడు పట్టాలెక్కుతుందో పూర్తి వివరాలు తెలియాల్సి వుంది.