యూఏఈ: గత వారం అజ్మాన్ లోని నివాస భవనంలో భారీ అగ్నిప్రమాదం జరిగిన విషయం తెలిసిందే. ఈ ప్రమాదంలో అజ్మాన్ పోలీసులు 207 మంది వ్యక్తులకు అత్యవసర గృహాలను తరలించారు. శుక్రవారం X (గతంలో ట్విట్టర్)లో పోస్ట్ చేసిన వీడియోలో అజ్మాన్ పోలీస్ జనరల్ హెచ్‌క్యూ నుండి కెప్టెన్ రషీద్ హమ్దాన్ అల్ నుయిమి ఈ మేరకు తెలిపారు. షేక్ ఖలీఫా బిన్ జాయెద్ స్ట్రీట్‌లోని అల్ నుయామియా 3 ప్రాంతంలో జరిగిన అగ్ని ప్రమాదంలో బాధితులకు సహాయం చేసినట్లు పేర్కొన్నారు. ఈ ప్రమాదంలో 16 ఫ్లాట్‌లు దెబ్బతిన్నాయని, 13 పార్క్ చేసిన వాహనాలు దగ్ధం అయినట్లు తెలిపారు. కాగా, ప్రమాదానికి గురైన భవనంలోని నివాసితులను అధికారులు వెంటనే ఖాళీ చేయించారు. 207 మంది వ్యక్తులకు తాత్కాలిక వసతి కల్పించేందుకు అజ్మాన్ పోలీసులు ఎమిరేట్స్ రెడ్ క్రెసెంట్, అజ్మాన్ ట్రాన్స్‌పోర్ట్ అథారిటీ మరియు ఇతర భాగస్వాములతో చర్యలు తీసుకున్నారు. నివాసితులు భద్రతా జాగ్రత్తలను పాటించాలని, ముఖ్యంగా నివాస భవనాలలో అగ్నిప్రమాదానికి కారణమయ్యే ఏదైనా విషయంలో జాగ్రత్తగా ఉండాలని అజ్మాన్ పోలీస్ ఆపరేషన్స్ డైరెక్టర్ జనరల్ మేజ్ అబ్దుల్లా సైఫ్ అల్ మత్రౌషి కోరారు.