కొత్త దర్శకులను పరిచయం చేయడంలో అక్కినేని నాగార్జున ముందుంటారు. చాలా కాలంగా అక్కినేని నాగార్జున నుంచి కొత్త ప్రాజెక్టులేమీ అనౌన్స్ కాలేదు.

తాజాగా ఆయన పుట్టిన రోజు సందర్భంగా ఆయన కొత్త సినిమాని ప్రకటించారు. విజయ్ బిన్నీ అనే కొత్త దర్శకుడు ఈ సినిమాతో తెలుగు తెరకు పరిచయమవుతున్నాడు.

‘నా సామిరంగా’ అనే టైటిల్‌తో పాటూ, ఈ సినిమా నుంచి గ్లింప్స్ కూడా రిలీజ్ చేశారు తాజాగా మేకర్లు. లుంగీ కట్టి, నోట్లో బిడీ పెట్టి పక్కా మాస్ అవతార్‌లోకి మారిపోయాడు ఈ సినిమా కోసం నాగార్జున.

ఈ మధ్య ఏ సినిమా చేసినా నాగార్జునకు పెద్దగా కలిసి రావడం లేదు. ‘సోగ్గాడే చిన్ని నాయనా’ తర్వాత ఆ స్థాయి హిట్ కొట్టలేకపోయాడు నాగార్జున.

‘ నా సామిరంగా..’ అనే మాస్ టైటిల్‌తో మాస్ గెటప్‌లో ఈ సారైనా నాగార్జున టార్గెట్ రీచ్ అవుతాడేమో చూడాలి మరి. అన్నట్లు ధనుష్ హీరోగా తెరకెక్కుతోన్న ఓ ప్యాన్ ఇండియా సినిమాలో నాగార్జున గెస్ట్ రోల్ పోషిస్తున్న సంగతి తెలిసిందే.