యూఏఈ: టీమ్‌ఏంజెల్‌వోల్ఫ్‌లో  దుబాయ్ కుటుంబానికి చెందిన తోబుట్టువులు టియా, రియో కొత్త గిన్నిస్ వరల్డ్ రికార్డ్‌ను నెలకొల్పారు. వీరిద్దరూ కలిసి ‘మరొక వ్యక్తిని మోసుకెళ్లి ఒలింపిక్ దూర ట్రయాథ్లాన్‌ను అత్యంత వేగంగా పూర్తి చేసిన’ రికార్డును నమోదు చేశారు. 20 ఏళ్ల రియో దృఢ సంకల్పం ఉన్న వ్యక్తి అయితే, ఈ మల్టీస్పోర్ట్ రేస్‌లో తన సోదరుడిని తీసుకెళ్లిన అతని 16 ఏళ్ల సోదరి టియా పాల్గొన్నారు.  రియోను కయాక్‌లో లాగుతూ 1.5 కిలోమీటర్లు ఈత కొట్టడం, రియోను ముందు కూర్చోబెట్టి ప్రత్యేకంగా రూపొందించిన బైక్‌పై 50 కిలోమీటర్లు సైక్లింగ్ చేయడం, చివరికి రియోను రన్నింగ్ చైర్‌లో నెట్టుకుంటూ 10 కిలోమీటర్లు పరిగెత్తడం ద్వారా టియా రేసును ముగించి రికార్డు సృష్టించింది.  3 గంటల, 39 నిమిషాలు మరియు 37 సెకన్లలో రేసును పూర్తి చేసారు. అంతకుముందు గిన్నిస్ వరల్డ్ రికార్డ్ థ్రెషోల్డ్ 3 గంటల 45 నిమిషాలుగా ఉంది. కాగా, దుబాయ్‌లో మార్చి నెలలో జరిగిన ట్రయాథ్లాన్‌లో వారు పాల్గొని ఈ ఫీట్ సాధించారు. తాజాగా ఈ విషయాన్ని గిన్నిస్ వరల్డ్ రికార్డ్‌ నిర్వాహకులు ప్రకటించారు.