విజయవాడ: టిడిపి అధినేత చంద్రబాబు అరెస్టుపై హైకోర్టులో మంగళవారం లంచ్‌మోషన్‌ పిటిషన్‌ దాఖలయ్యింది. చంద్రబాబు తరపు లాయర్‌ మాజీ అడ్వొకేట్‌ జనరల్‌ దమ్మాలపాటి శ్రీనివాస్‌ ఈ పిటిషన్‌ వేశారు. చంద్రబాబు అరెస్టు న్యాయ, చట్టవిరుద్ధమని పిటిషన్‌లో పేర్కొన్నారు. గవర్నర్‌ అనుమతి లేకుండా ఎలా అరెస్టు చేస్తారని ప్రశ్నించారు. చంద్రబాబు అరెస్టులో నిబంధనలను పాటించకపోవడంపై అభ్యంతరాలు వ్యక్తం చేశారు. రేపు ఉదయం ఈ పిటిషన్‌పై విచారణ జరిగే అవకాశముంది. ఉన్నత న్యాయస్థానం ఇవ్వనున్న తీర్పుపై ఎపిలో సర్వత్రా ఉత్కంఠ నెలకొంది. మరోవైపు చంద్రబాబు అరెస్టుపై అధికార పార్టీ కూడా పలు పిటిషన్‌లను వేస్తుంది.