సూపర్ స్టార్ రజనీకాంత్ ప్రధాన పాత్రలో 17 ఏళ్ల క్రితం వచ్చిన ‘చంద్రముఖి’ సినిమాకి ఇన్నేళ్ల తర్వాత సీక్వెల్ తెరకెక్కిన సంగతి తెలిసిందే.

ప్రముఖ డాన్స్ కొరియెగ్రాఫర్, నటుడు, నిర్మాత, డైరెక్టర్ అయిన లారెన్స్ రాఘవ ఈ సినిమాలో లీడ్ రోల్ పోషిస్తున్నాడు. బాలీవుడ్ బ్యూటీ ఫైర్ బ్రాండ్ కంగనా రనౌత్ టైటిల్ రోల్ పోషిస్తోంది.

కాగా, ఇటీవల వచ్చిన ఈ సినిమా ప్రచార చిత్రాలు ప్రేక్షకుల్లో ఆసక్తిని రేకెత్తించాయ్. అబ్బురపరిచే విజువల్ ఎఫెక్ట్సే ఈ సినిమాకి ప్రాణం. ఖర్చుకు ఏమాత్రం వెనుకాడకుండా ఈ సినిమాని అత్యంత ప్రతిష్టాత్మకంగా తెరకెక్కించారు చిత్ర నిర్మాతలు.

తాజాగా ఈ సినిమా రన్ టైమ్ లాక్ చేశారు. 170 నిముషాల (2.50 గంటలు) రన్ టైమ్‌తో సినిమా ఎండ్ అవ్వనుందట. అంటే దాదాపు మూడు గంటల సమయమే. మరి అంత సేపు ఆడియన్స్‌ని ధియేటర్‌లో లాక్ చేసి వుంచగలిగే కంటెంట్ విజువల్ ఎఫెక్ట్స్ ఈ సినిమాలో చూపించగలరా.? అంటే సెప్టెంబర్ 28 వరకూ ఆగాల్సిందే. అదే రోజు ‘చంద్రముఖి 2’ ప్రేక్షకుల ముందుకు రానుంది.